Eimskip birtir uppgjör þriðja ársfjórðungs 2016

Eimskipafélag Íslands hf. birtir uppgjör þriðja ársfjórðungs 2016 eftir lokun markaða fimmtudaginn 17. nóvember 2016.

Eimskip býður fjárfestum og markaðsaðilum til fundar þar sem Gylfi Sigfússon forstjóri og Hilmar Pétur Valgarðsson, framkvæmdastjóri fjármála- og rekstrarsviðs, munu kynna uppgjör þriðja ársfjórðungs og fyrstu níu mánaða ársins 2016.       

Fundurinn verður haldinn föstudaginn 18. nóvember 2016 í höfuðstöðvum félagsins að Korngörðum 2 í Reykjavík og hefst kl. 8:30. Boðið verður upp á morgunverð frá kl. 8:15.

Kynningarefni fundarins verður hægt að nálgast eftir fundinn á fjárfestasíðu Eimskips, www.eimskip.is/investors.